1:1 Παυλος απόστολος Χριστου Ιησου δια θελήματος θεου τοις αγίοις τοις ουσιν εν Εφέσω και πιστοις εν Χριστω Ιησου. 2 χάρις υμιν και ειρήνη απο θεου πατρος ημων και κυρίου Ιησου Χριστου. 3 Ευλογητος ο θεος και πατηρ του κυρίου ημων Ιησου Χριστου, ο ευλογήσας ημας εν πάση ευλογία πνευματικη εν τοις επουρανίοις εν Χριστω, 4 καθως εξελέξατο ημας εν αυτω προ καταβολης κόσμου, ειναι ημας αγίους και αμώμους κατενώπιον αυτου εν αγάπη, 5 προορίσας ημας εις υιοθεσίαν δια Ιησου Χριστου εις αυτόν, κατα την ευδοκίαν του θελήματος αυτου, 6 εις επαινον δόξης της χάριτος αυτου ης εχαρίτωσεν ημας εν τω ηγαπημένω, 7 εν ω εχομεν την απολύτρωσιν δια του αιματος αυτου, την αφεσιν των παραπτωμάτων, κατα το πλουτος της χάριτος αυτου, 8 ης επερίσσευσεν εις ημας εν πάση σοφία και φρονήσει 9 γνωρίσας ημιν το μυστήριον του θελήματος αυτου, κατα την ευδοκίαν αυτου ην προέθετο εν αυτω 10 εις οικονομίαν του πληρώματος των καιρων, ανακεφαλαιώσασθαι τα πάντα εν τω Χριστω, τα επι τοις ουρανοις και τα επι της γης. εν αυτω, 11 εν ω και εκληρώθημεν προορισθέντες κατα πρόθεσιν του τα πάντα ενεργουντος κατα την βουλην του θελήματος αυτου, 12 εις το ειναι ημας εις επαινον δόξης αυτου τους προηλπικότας εν τω Χριστω. 13 εν ω και υμεις ακούσαντες τον λόγον της αληθείας, το ευαγγέλιον της σωτηρίας υμων, εν ω και πιστεύσαντες εσφραγίσθητε τω πνεύματι της επαγγελίας τω αγίω, 14 ο εστιν αρραβων της κληρονομίας ημων, εις απολύτρωσιν της περιποιήσεως, εις επαινον της δόξης αυτου. 15 Δια τουτο καγώ, ακούσας την καθ' υμας πίστιν εν τω κυρίω Ιησου και την αγάπην την εις πάντας τους αγίους, 16 ου παύομαι ευχαριστων υπερ υμων μνείαν ποιούμενος επι των προσευχων μου, 17 ινα ο θεος του κυρίου ημων Ιησου Χριστου, ο πατηρ της δόξης, δώη υμιν πνευμα σοφίας και αποκαλύψεως εν επιγνώσει αυτου, 18 πεφωτισμένους τους οφθαλμους της καρδίας υμων εις το ειδέναι υμας τίς εστιν η ελπις της κλήσεως αυτου, τίς ο πλουτος της δόξης της κληρονομίας αυτου εν τοις αγίοις, 19 και τί το υπερβάλλον μέγεθος της δυνάμεως αυτου εις ημας τους πιστεύοντας κατα την ενέργειαν του κράτους της ισχύος αυτου 20 ην ενήργησεν εν τω Χριστω εγείρας αυτον εκ νεκρων, και καθίσας εν δεξια αυτου εν τοις επουρανίοις 21 υπεράνω πάσης αρχης και εξουσίας και δυνάμεως και κυριότητος και παντος ονόματος ονομαζομένου ου μόνον εν τω αιωνι τούτω αλλα και εν τω μέλλοντι. 22 και πάντα υπέταξεν υπο τους πόδας αυτου, και αυτον εδωκεν κεφαλην υπερ πάντα τη εκκλησία, 23 ητις εστιν το σωμα αυτου, το πλήρωμα του τα πάντα εν πασιν πληρουμένου.
2:1 Και υμας οντας νεκρους τοις παραπτώμασιν και ταις αμαρτίαις υμων, 2 εν αις ποτε περιεπατήσατε κατα τον αιωνα του κόσμου τούτου, κατα τον αρχοντα της εξουσίας του αέρος, του πνεύματος του νυν ενεργουντος εν τοις υιοις της απειθείας. 3 εν οις και ημεις πάντες ανεστράφημέν ποτε εν ταις επιθυμίαις της σαρκος ημων, ποιουντες τα θελήματα της σαρκος και των διανοιων, και ημεθα τέκνα φύσει οργης ως και οι λοιποί. 4 ο δε θεος πλούσιος ων εν ελέει, δια την πολλην αγάπην αυτου ην ηγάπησεν ημας, 5 και οντας ημας νεκρους τοις παραπτώμασιν συνεζωοποίησεν τω Χριστω,ω χάριτί εστε σεσωσμένοι,ι 6 και συνήγειρεν και συνεκάθισεν εν τοις επουρανίοις εν Χριστω Ιησου, 7 ινα ενδείξηται εν τοις αιωσιν τοις επερχομένοις το υπερβάλλον πλουτος της χάριτος αυτου εν χρηστότητι εφ' ημας εν Χριστω Ιησου. 8 τη γαρ χάριτί εστε σεσωσμένοι δια πίστεως. και τουτο ουκ εξ υμων, θεου το δωρον. 9 ουκ εξ εργων, ινα μή τις καυχήσηται. 10 αυτου γάρ εσμεν ποίημα, κτισθέντες εν Χριστω Ιησου επι εργοις αγαθοις οις προητοίμασεν ο θεος ινα εν αυτοις περιπατήσωμεν. 11 Διο μνημονεύετε οτι ποτε υμεις τα εθνη εν σαρκί, οι λεγόμενοι ακροβυστία υπο της λεγομένης περιτομης εν σαρκι χειροποιήτου, 12 οτι ητε τω καιρω εκείνω χωρις Χριστου, απηλλοτριωμένοι της πολιτείας του Ισραηλ και ξένοι των διαθηκων της επαγγελίας, ελπίδα μη εχοντες και αθεοι εν τω κόσμω. 13 νυνι δε εν Χριστω Ιησου υμεις οι ποτε οντες μακραν εγενήθητε εγγυς εν τω αιματι του Χριστου. 14 Αυτος γάρ εστιν η ειρήνη ημων, ο ποιήσας τα αμφότερα εν και το μεσότοιχον του φραγμου λύσας, την εχθραν, εν τη σαρκι αυτου, 15 τον νόμον των εντολων εν δόγμασιν καταργήσας, ινα τους δύο κτίση εν αυτω εις ενα καινον ανθρωπον ποιων ειρήνην, 16 και αποκαταλλάξη τους αμφοτέρους εν ενι σώματι τω θεω δια του σταυρου, αποκτείνας την εχθραν εν αυτω. 17 και ελθων ευηγγελίσατο ειρήνην υμιν τοις μακραν και ειρήνην τοις εγγύς. 18 οτι δι' αυτου εχομεν την προσαγωγην οι αμφότεροι εν ενι πνεύματι προς τον πατέρα. 19 αρα ουν ουκέτι εστε ξένοι και πάροικοι, αλλα εστε συμπολιται των αγίων και οικειοι του θεου, 20 εποικοδομηθέντες επι τω θεμελίω των αποστόλων και προφητων, οντος ακρογωνιαίου αυτου Χριστου Ιησου, 21 εν ω πασα οικοδομη συναρμολογουμένη αυξει εις ναον αγιον εν κυρίω, 22 εν ω και υμεις συνοικοδομεισθε εις κατοικητήριον του θεου εν πνεύματι.
3:1 Τούτου χάριν εγω Παυλος ο δέσμιος του Χριστου Ιησου υπερ υμων των εθνων,ν 2 ει γε ηκούσατε την οικονομίαν της χάριτος του θεου της δοθείσης μοι εις υμας, 3 οτι κατα αποκάλυψιν εγνωρίσθη μοι το μυστήριον, καθως προέγραψα εν ολίγω, 4 προς ο δύνασθε αναγινώσκοντες νοησαι την σύνεσίν μου εν τω μυστηρίω του Χριστου, 5 ο ετέραις γενεαις ουκ εγνωρίσθη τοις υιοις των ανθρώπων ως νυν απεκαλύφθη τοις αγίοις αποστόλοις αυτου και προφήταις εν πνεύματι, 6 ειναι τα εθνη συγκληρονόμα και σύσσωμα και συμμέτοχα της επαγγελίας εν Χριστω Ιησου δια του ευαγγελίου, 7 ου εγενήθην διάκονος κατα την δωρεαν της χάριτος του θεου της δοθείσης μοι κατα την ενέργειαν της δυνάμεως αυτου. 8 εμοι τω ελαχιστοτέρω πάντων αγίων εδόθη η χάρις αυτη, τοις εθνεσιν ευαγγελίσασθαι το ανεξιχνίαστον πλουτος του Χριστου, 9 και φωτίσαι πάντας τίς η οικονομία του μυστηρίου του αποκεκρυμμένου απο των αιώνων εν τω θεω τω τα πάντα κτίσαντι, 10 ινα γνωρισθη νυν ταις αρχαις και ταις εξουσίαις εν τοις επουρανίοις δια της εκκλησίας η πολυποίκιλος σοφία του θεου, 11 κατα πρόθεσιν των αιώνων ην εποίησεν εν τω Χριστω Ιησου τω κυρίω ημων, 12 εν ω εχομεν την παρρησίαν και προσαγωγην εν πεποιθήσει δια της πίστεως αυτου. 13 διο αιτουμαι μη εγκακειν εν ταις θλίψεσίν μου υπερ υμων, ητις εστιν δόξα υμων. 14 Τούτου χάριν κάμπτω τα γόνατά μου προς τον πατέρα, 15 εξ ου πασα πατρια εν ουρανοις και επι γης ονομάζεται, 16 ινα δω υμιν κατα το πλουτος της δόξης αυτου δυνάμει κραταιωθηναι δια του πνεύματος αυτου εις τον εσω ανθρωπον, 17 κατοικησαι τον Χριστον δια της πίστεως εν ταις καρδίαις υμων, εν αγάπη ερριζωμένοι και τεθεμελιωμένοι, 18 ινα εξισχύσητε καταλαβέσθαι συν πασιν τοις αγίοις τί το πλάτος και μηκος και υψος και βάθος, 19 γνωναί τε την υπερβάλλουσαν της γνώσεως αγάπην του Χριστου, ινα πληρωθητε εις παν το πλήρωμα του θεου. 20 Τω δε δυναμένω υπερ πάντα ποιησαι υπερεκπερισσου ων αιτούμεθα η νοουμεν κατα την δύναμιν την ενεργουμένην εν ημιν, 21 αυτω η δόξα εν τη εκκλησία και εν Χριστω Ιησου εις πάσας τας γενεας του αιωνος των αιώνων. αμήν.
4:1 Παρακαλω ουν υμας εγω ο δέσμιος εν κυρίω αξίως περιπατησαι της κλήσεως ης εκλήθητε, 2 μετα πάσης ταπεινοφροσύνης και πραϋτητος, μετα μακροθυμίας, ανεχόμενοι αλλήλων εν αγάπη, 3 σπουδάζοντες τηρειν την ενότητα του πνεύματος εν τω συνδέσμω της ειρήνης. 4 εν σωμα και εν πνευμα, καθως και εκλήθητε εν μια ελπίδι της κλήσεως υμων. 5 εις κύριος, μία πίστις, εν βάπτισμα. 6 εις θεος και πατηρ πάντων, ο επι πάντων και δια πάντων και εν πασιν. 7 Ενι δε εκάστω ημων εδόθη η χάρις κατα το μέτρον της δωρεας του Χριστου. 8 διο λέγει, Αναβας εις υψος ηχμαλώτευσεν αιχμαλωσίαν, εδωκεν δόματα τοις ανθρώποις. 9 (το δε Ανέβη τί εστιν ει μη οτι και κατέβη εις τα κατώτερα μέρη της γης; 10 ο καταβας αυτός εστιν και ο αναβας υπεράνω πάντων των ουρανων, ινα πληρώση τα πάντα.) 11 και αυτος εδωκεν τους μεν αποστόλους, τους δε προφήτας, τους δε ευαγγελιστάς, τους δε ποιμένας και διδασκάλους, 12 προς τον καταρτισμον των αγίων εις εργον διακονίας, εις οικοδομην του σώματος του Χριστου, 13 μέχρι καταντήσωμεν οι πάντες εις την ενότητα της πίστεως και της επιγνώσεως του υιου του θεου, εις ανδρα τέλειον, εις μέτρον ηλικίας του πληρώματος του Χριστου, 14 ινα μηκέτι ωμεν νήπιοι, κλυδωνιζόμενοι και περιφερόμενοι παντι ανέμω της διδασκαλίας εν τη κυβεία των ανθρώπων εν πανουργία προς την μεθοδείαν της πλάνης, 15 αληθεύοντες δε εν αγάπη αυξήσωμεν εις αυτον τα πάντα, ος εστιν η κεφαλή, Χριστός, 16 εξ ου παν το σωμα συναρμολογούμενον και συμβιβαζόμενον δια πάσης αφης της επιχορηγίας κατ' ενέργειαν εν μέτρω ενος εκάστου μέρους την αυξησιν του σώματος ποιειται εις οικοδομην εαυτου εν αγάπη. 17 Τουτο ουν λέγω και μαρτύρομαι εν κυρίω, μηκέτι υμας περιπατειν καθως και τα εθνη περιπατει εν ματαιότητι του νοος αυτων, 18 εσκοτωμένοι τη διανοία οντες, απηλλοτριωμένοι της ζωης του θεου, δια την αγνοιαν την ουσαν εν αυτοις, δια την πώρωσιν της καρδίας αυτων, 19 οιτινες απηλγηκότες εαυτους παρέδωκαν τη ασελγεία εις εργασίαν ακαθαρσίας πάσης εν πλεονεξία. 20 υμεις δε ουχ ουτως εμάθετε τον Χριστόν, 21 ει γε αυτον ηκούσατε και εν αυτω εδιδάχθητε, καθώς εστιν αλήθεια εν τω Ιησου, 22 αποθέσθαι υμας κατα την προτέραν αναστροφην τον παλαιον ανθρωπον τον φθειρόμενον κατα τας επιθυμίας της απάτης, 23 ανανεουσθαι δε τω πνεύματι του νοος υμων, 24 και ενδύσασθαι τον καινον ανθρωπον τον κατα θεον κτισθέντα εν δικαιοσύνη και οσιότητι της αληθείας. 25 Διο αποθέμενοι το ψευδος λαλειτε αλήθειαν εκαστος μετα του πλησίον αυτου, οτι εσμεν αλλήλων μέλη. 26 οργίζεσθε και μη αμαρτάνετε. ο ηλιος μη επιδυέτω επι τω παροργισμω υμων, 27 μηδε δίδοτε τόπον τω διαβόλω. 28 ο κλέπτων μηκέτι κλεπτέτω, μαλλον δε κοπιάτω εργαζόμενος ταις ιδίαις χερσιν το αγαθόν, ινα εχη μεταδιδόναι τω χρείαν εχοντι. 29 πας λόγος σαπρος εκ του στόματος υμων μη εκπορευέσθω, αλλα ει τις αγαθος προς οικοδομην της χρείας, ινα δω χάριν τοις ακούουσιν. 30 και μη λυπειτε το πνευμα το αγιον του θεου, εν ω εσφραγίσθητε εις ημέραν απολυτρώσεως. 31 πασα πικρία και θυμος και οργη και κραυγη και βλασφημία αρθήτω αφ' υμων συν πάση κακία. 32 γίνεσθε δε εις αλλήλους χρηστοί, ευσπλαγχνοι, χαριζόμενοι εαυτοις καθως και ο θεος εν Χριστω εχαρίσατο υμιν.
5:1 γίνεσθε ουν μιμηται του θεου, ως τέκνα αγαπητά, 2 και περιπατειτε εν αγάπη, καθως και ο Χριστος ηγάπησεν ημας και παρέδωκεν εαυτον υπερ ημων προσφοραν και θυσίαν τω θεω εις οσμην ευωδίας. 3 πορνεία δε και ακαθαρσία πασα η πλεονεξία μηδε ονομαζέσθω εν υμιν, καθως πρέπει αγίοις, 4 και αισχρότης και μωρολογία η ευτραπελία, α ουκ ανηκεν, αλλα μαλλον ευχαριστία. 5 τουτο γαρ ιστε γινώσκοντες οτι πας πόρνος η ακάθαρτος η πλεονέκτης, ο εστιν ειδωλολάτρης, ουκ εχει κληρονομίαν εν τη βασιλεία του Χριστου και θεου. 6 Μηδεις υμας απατάτω κενοις λόγοις, δια ταυτα γαρ ερχεται η οργη του θεου επι τους υιους της απειθείας. 7 μη ουν γίνεσθε συμμέτοχοι αυτων. 8 ητε γάρ ποτε σκότος, νυν δε φως εν κυρίω. ως τέκνα φωτος περιπατειτε 9 , ο γαρ καρπος του φωτος εν πάση αγαθωσύνη και δικαιοσύνη και αληθεία,α 10 δοκιμάζοντες τί εστιν ευάρεστον τω κυρίω. 11 και μη συγκοινωνειτε τοις εργοις τοις ακάρποις του σκότους, μαλλον δε και ελέγχετε, 12 τα γαρ κρυφη γινόμενα υπ' αυτων αισχρόν εστιν και λέγειν. 13 τα δε πάντα ελεγχόμενα υπο του φωτος φανερουται, 14 παν γαρ το φανερούμενον φως εστιν. διο λέγει, Εγειρε, ο καθεύδων, και ανάστα εκ των νεκρων, και επιφαύσει σοι ο Χριστός. 15 Βλέπετε ουν ακριβως πως περιπατειτε, μη ως ασοφοι αλλ' ως σοφοί, 16 εξαγοραζόμενοι τον καιρόν, οτι αι ημέραι πονηραί εισιν. 17 δια τουτο μη γίνεσθε αφρονες, αλλα συνίετε τί το θέλημα του κυρίου. 18 και μη μεθύσκεσθε οινω, εν ω εστιν ασωτία, αλλα πληρουσθε εν πνεύματι, 19 λαλουντες εαυτοις εν ψαλμοις και υμνοις και ωδαις πνευματικαις, αδοντες και ψάλλοντες τη καρδία υμων τω κυρίω, 20 ευχαριστουντες πάντοτε υπερ πάντων εν ονόματι του κυρίου ημων Ιησου Χριστου τω θεω και πατρί, 21 υποτασσόμενοι αλλήλοις εν φόβω Χριστου. 22 Αι γυναικες τοις ιδίοις ανδράσιν ως τω κυρίω, 23 οτι ανήρ εστιν κεφαλη της γυναικος ως και ο Χριστος κεφαλη της εκκλησίας, αυτος σωτηρ του σώματος. 24 αλλα ως η εκκλησία υποτάσσεται τω Χριστω, ουτως και αι γυναικες τοις ανδράσιν εν παντί. 25 Οι ανδρες, αγαπατε τας γυναικας, καθως και ο Χριστος ηγάπησεν την εκκλησίαν και εαυτον παρέδωκεν υπερ αυτης, 26 ινα αυτην αγιάση καθαρίσας τω λουτρω του υδατος εν ρήματι, 27 ινα παραστήση αυτος εαυτω ενδοξον την εκκλησίαν, μη εχουσαν σπίλον η ρυτίδα η τι των τοιούτων, αλλ ινα η αγία και αμωμος. 28 ουτως οφείλουσιν και οι ανδρες αγαπαν τας εαυτων γυναικας ως τα εαυτων σώματα. ο αγαπων την εαυτου γυναικα εαυτον αγαπα, 29 ουδεις γάρ ποτε την εαυτου σάρκα εμίσησεν, αλλα εκτρέφει και θάλπει αυτήν, καθως και ο Χριστος την εκκλησίαν, 30 οτι μέλη εσμεν του σώματος αυτου. 31 αντι τούτου καταλείψει ανθρωπος τον πατέρα και την μητέρα και προσκολληθήσεται προς την γυναικα αυτου, και εσονται οι δύο εις σάρκα μίαν. 32 το μυστήριον τουτο μέγα εστίν, εγω δε λέγω εις Χριστον και εις την εκκλησίαν. 33 πλην και υμεις οι καθ' ενα εκαστος την εαυτου γυναικα ουτως αγαπάτω ως εαυτόν, η δε γυνη ινα φοβηται τον ανδρα.
6:1 Τα τέκνα, υπακούετε τοις γονευσιν υμων εν κυρίω, τουτο γάρ εστιν δίκαιον. 2 τίμα τον πατέρα σου και την μητέρα, ητις εστιν εντολη πρώτη εν επαγγελία, 3 ινα ευ σοι γένηται και εση μακροχρόνιος επι της γης. 4 Και οι πατέρες, μη παροργίζετε τα τέκνα υμων, αλλα εκτρέφετε αυτα εν παιδεία και νουθεσία κυρίου. 5 Οι δουλοι, υπακούετε τοις κατα σάρκα κυρίοις μετα φόβου και τρόμου εν απλότητι της καρδίας υμων ως τω Χριστω, 6 μη κατ' οφθαλμοδουλίαν ως ανθρωπάρεσκοι αλλ' ως δουλοι Χριστου ποιουντες το θέλημα του θεου εκ ψυχης, 7 μετ' ευνοίας δουλεύοντες, ως τω κυρίω και ουκ ανθρώποις, 8 ειδότες οτι εκαστος, εάν τι ποιήση αγαθόν, τουτο κομίσεται παρα κυρίου, ειτε δουλος ειτε ελεύθερος. 9 Και οι κύριοι, τα αυτα ποιειτε προς αυτούς, ανιέντες την απειλήν, ειδότες οτι και αυτων και υμων ο κύριός εστιν εν ουρανοις, και προσωπολημψία ουκ εστιν παρ' αυτω. 10 Του λοιπου ενδυναμουσθε εν κυρίω και εν τω κράτει της ισχύος αυτου. 11 ενδύσασθε την πανοπλίαν του θεου προς το δύνασθαι υμας στηναι προς τας μεθοδείας του διαβόλου. 12 οτι ουκ εστιν ημιν η πάλη προς αιμα και σάρκα, αλλα προς τας αρχάς, προς τας εξουσίας, προς τους κοσμοκράτορας του σκότους τούτου, προς τα πνευματικα της πονηρίας εν τοις επουρανίοις. 13 δια τουτο αναλάβετε την πανοπλίαν του θεου, ινα δυνηθητε αντιστηναι εν τη ημέρα τη πονηρα και απαντα κατεργασάμενοι στηναι. 14 στητε ουν περιζωσάμενοι την οσφυν υμων εν αληθεία, και ενδυσάμενοι τον θώρακα της δικαιοσύνης, 15 και υποδησάμενοι τους πόδας εν ετοιμασία του ευαγγελίου της ειρήνης, 16 εν πασιν αναλαβόντες τον θυρεον της πίστεως, εν ω δυνήσεσθε πάντα τα βέλη του πονηρου τα πεπυρωμένα σβέσαι. 17 και την περικεφαλαίαν του σωτηρίου δέξασθε, και την μάχαιραν του πνεύματος, ο εστιν ρημα θεου, 18 δια πάσης προσευχης και δεήσεως προσευχόμενοι εν παντι καιρω εν πνεύματι, και εις αυτο αγρυπνουντες εν πάση προσκαρτερήσει και δεήσει περι πάντων των αγίων, 19 και υπερ εμου, ινα μοι δοθη λόγος εν ανοίξει του στόματός μου, εν παρρησία γνωρίσαι το μυστήριον του ευαγγελίου 20 υπερ ου πρεσβεύω εν αλύσει, ινα εν αυτω παρρησιάσωμαι ως δει με λαλησαι. 21 Ινα δε ειδητε και υμεις τα κατ' εμέ, τί πράσσω, πάντα γνωρίσει υμιν Τυχικος ο αγαπητος αδελφος και πιστος διάκονος εν κυρίω, 22 ον επεμψα προς υμας εις αυτο τουτο ινα γνωτε τα περι ημων και παρακαλέση τας καρδίας υμων. 23 Ειρήνη τοις αδελφοις και αγάπη μετα πίστεως απο θεου πατρος και κυρίου Ιησου Χριστου. 24 η χάρις μετα πάντων των αγαπώντων τον κύριον ημων Ιησουν Χριστον εν αφθαρσία
ΑΝ ΘΕΛΕΤΕ ΜΙΑ ΚΑΙΝΗ ΔΙΑΘΗΚΗ ΔΩΡΕΑΝ ΣΤΕΙΛΤΕ E-mail: grbiblos@hotlmail.com
(Επώνυμο, Όνομα, Διεύθυνση, Πόλη, Τ.Κ., Τηλέφωνο) ΚΑΙ ΘΑ ΣΟΥ ΣΤΕΙΛΟΥΜΕ ΜΙΑ ΔΩΡΕΑΝ.
