1:1 Παυλος και Τιμόθεος δουλοι Χριστου Ιησου πασιν τοις αγίοις εν Χριστω Ιησου τοις ουσιν εν Φιλίπποις συν επισκόποις και διακόνοις. 2 χάρις υμιν και ειρήνη απο θεου πατρος ημων και κυρίου Ιησου Χριστου. 3 Ευχαριστω τω θεω μου επι πάση τη μνεία υμων, 4 πάντοτε εν πάση δεήσει μου υπερ πάντων υμων μετα χαρας την δέησιν ποιούμενος, 5 επι τη κοινωνία υμων εις το ευαγγέλιον απο της πρώτης ημέρας αχρι του νυν, 6 πεποιθως αυτο τουτο, οτι ο εναρξάμενος εν υμιν εργον αγαθον επιτελέσει αχρι ημέρας Χριστου Ιησου. 7 καθώς εστιν δίκαιον εμοι τουτο φρονειν υπερ πάντων υμων, δια το εχειν με εν τη καρδία υμας, εν τε τοις δεσμοις μου και εν τη απολογία και βεβαιώσει του ευαγγελίου συγκοινωνούς μου της χάριτος πάντας υμας οντας. 8 μάρτυς γάρ μου ο θεός, ως επιποθω πάντας υμας εν σπλάγχνοις Χριστου Ιησου. 9 και τουτο προσεύχομαι, ινα η αγάπη υμων ετι μαλλον και μαλλον περισσεύη εν επιγνώσει και πάση αισθήσει, 10 εις το δοκιμάζειν υμας τα διαφέροντα, ινα ητε ειλικρινεις και απρόσκοποι εις ημέραν Χριστου, 11 πεπληρωμένοι καρπον δικαιοσύνης τον δια Ιησου Χριστου εις δόξαν και επαινον θεου. 12 Γινώσκειν δε υμας βούλομαι, αδελφοί, οτι τα κατ' εμε μαλλον εις προκοπην του ευαγγελίου ελήλυθεν, 13 ωστε τους δεσμούς μου φανερους εν Χριστω γενέσθαι εν ολω τω πραιτωρίω και τοις λοιποις πάσιν, 14 και τους πλείονας των αδελφων εν κυρίω πεποιθότας τοις δεσμοις μου περισσοτέρως τολμαν αφόβως τον λόγον λαλειν. 15 Τινες μεν και δια φθόνον και εριν, τινες δε και δι' ευδοκίαν τον Χριστον κηρύσσουσιν. 16 οι μεν εξ αγάπης, ειδότες οτι εις απολογίαν του ευαγγελίου κειμαι, 17 οι δε εξ εριθείας τον Χριστον καταγγέλλουσιν, ουχ αγνως, οιόμενοι θλιψιν εγείρειν τοις δεσμοις μου. 18 τί γάρ; πλην οτι παντι τρόπω, ειτε προφάσει ειτε αληθεία, Χριστος καταγγέλλεται, και εν τούτω χαίρω. αλλα και χαρήσομαι, 19 οιδα γαρ οτι τουτό μοι αποβήσεται εις σωτηρίαν δια της υμων δεήσεως και επιχορηγίας του πνεύματος Ιησου Χριστου, 20 κατα την αποκαραδοκίαν και ελπίδα μου οτι εν ουδενι αισχυνθήσομαι, αλλ' εν πάση παρρησία ως πάντοτε και νυν μεγαλυνθήσεται Χριστος εν τω σώματί μου, ειτε δια ζωης ειτε δια θανάτου. 21 εμοι γαρ το ζην Χριστος και το αποθανειν κέρδος. 22 ει δε το ζην εν σαρκί, τουτό μοι καρπος εργου. και τί αιρήσομαι ου γνωρίζω. 23 συνέχομαι δε εκ των δύο, την επιθυμίαν εχων εις το αναλυσαι και συν Χριστω ειναι, πολλω γαρ μαλλον κρεισσον. 24 το δε επιμένειν εν τη σαρκι αναγκαιότερον δι' υμας. 25 και τουτο πεποιθως οιδα οτι μενω και παραμενω πασιν υμιν εις την υμων προκοπην και χαραν της πίστεως, 26 ινα το καύχημα υμων περισσεύη εν Χριστω Ιησου εν εμοι δια της εμης παρουσίας πάλιν προς υμας. 27 Μόνον αξίως του ευαγγελίου του Χριστου πολιτεύεσθε, ινα ειτε ελθων και ιδων υμας ειτε απων ακούω τα περι υμων, οτι στήκετε εν ενι πνεύματι, μια ψυχη συναθλουντες τη πίστει του ευαγγελίου, 28 και μη πτυρόμενοι εν μηδενι υπο των αντικειμένων, ητις εστιν αυτοις ενδειξις απωλείας, υμων δε σωτηρίας, και τουτο απο θεου. 29 οτι υμιν εχαρίσθη το υπερ Χριστου, ου μόνον το εις αυτον πιστεύειν αλλα και το υπερ αυτου πάσχειν, 30 τον αυτον αγωνα εχοντες οιον ειδετε εν εμοι και νυν ακούετε εν εμοί.
2:1 Ει τις ουν παράκλησις εν Χριστω, ει τι παραμύθιον αγάπης, ει τις κοινωνία πνεύματος, ει τις σπλάγχνα και οικτιρμοί, 2 πληρώσατέ μου την χαραν ινα το αυτο φρονητε, την αυτην αγάπην εχοντες, σύμψυχοι, το εν φρονουντες, 3 μηδεν κατ' εριθείαν μηδε κατα κενοδοξίαν, αλλα τη ταπεινοφροσύνη αλλήλους ηγούμενοι υπερέχοντας εαυτων, 4 μη τα εαυτων εκαστος σκοπουντες, αλλα και τα ετέρων εκαστοι. 5 τουτο φρονειτε εν υμιν ο και εν Χριστω Ιησου, 6 ος εν μορφη θεου υπάρχων ουχ αρπαγμον ηγήσατο το ειναι ισα θεω, 7 αλλα εαυτον εκένωσεν μορφην δούλου λαβών, εν ομοιώματι ανθρώπων γενόμενος. και σχήματι ευρεθεις ως ανθρωπος 8 εταπείνωσεν εαυτον γενόμενος υπήκοος μέχρι θανάτου, θανάτου δε σταυρου. 9 διο και ο θεος αυτον υπερύψωσεν και εχαρίσατο αυτω το ονομα το υπερ παν ονομα, 10 ινα εν τω ονόματι Ιησου παν γόνυ κάμψη επουρανίων και επιγείων και καταχθονίων, 11 και πασα γλωσσα εξομολογήσηται οτι κύριος Ιησους Χριστος εις δόξαν θεου πατρός. 12 Ωστε, αγαπητοί μου, καθως πάντοτε υπηκούσατε, μη ως εν τη παρουσία μου μόνον αλλα νυν πολλω μαλλον εν τη απουσία μου, μετα φόβου και τρόμου την εαυτων σωτηρίαν κατεργάζεσθε. 13 θεος γάρ εστιν ο ενεργων εν υμιν και το θέλειν και το ενεργειν υπερ της ευδοκίας. 14 πάντα ποιειτε χωρις γογγυσμων και διαλογισμων, 15 ινα γένησθε αμεμπτοι και ακέραιοι, τέκνα θεου αμωμα μέσον γενεας σκολιας και διεστραμμένης, εν οις φαίνεσθε ως φωστηρες εν κόσμω, 16 λόγον ζωης επέχοντες, εις καύχημα εμοι εις ημέραν Χριστου, οτι ουκ εις κενον εδραμον ουδε εις κενον εκοπίασα. 17 αλλα ει και σπένδομαι επι τη θυσία και λειτουργία της πίστεως υμων, χαίρω και συγχαίρω πασιν υμιν. 18 το δε αυτο και υμεις χαίρετε και συγχαίρετέ μοι. 19 Ελπίζω δε εν κυρίω Ιησου Τιμόθεον ταχέως πέμψαι υμιν, ινα καγω ευψυχω γνους τα περι υμων. 20 ουδένα γαρ εχω ισόψυχον οστις γνησίως τα περι υμων μεριμνήσει, 21 οι πάντες γαρ τα εαυτων ζητουσιν, ου τα Ιησου Χριστου. 22 την δε δοκιμην αυτου γινώσκετε, οτι ως πατρι τέκνον συν εμοι εδούλευσεν εις το ευαγγέλιον. 23 τουτον μεν ουν ελπίζω πέμψαι ως αν αφίδω τα περι εμε εξαυτης. 24 πέποιθα δε εν κυρίω οτι και αυτος ταχέως ελεύσομαι. 25 Αναγκαιον δε ηγησάμην Επαφρόδιτον τον αδελφον και συνεργον και συστρατιώτην μου, υμων δε απόστολον και λειτουργον της χρείας μου, πέμψαι προς υμας, 26 επειδη επιποθων ην πάντας υμας, και αδημονων διότι ηκούσατε οτι ησθένησεν. 27 και γαρ ησθένησεν παραπλήσιον θανάτω. αλλα ο θεος ηλέησεν αυτόν, ουκ αυτον δε μόνον αλλα και εμέ, ινα μη λύπην επι λύπην σχω. 28 σπουδαιοτέρως ουν επεμψα αυτον ινα ιδόντες αυτον πάλιν χαρητε καγω αλυπότερος ω. 29 προσδέχεσθε ουν αυτον εν κυρίω μετα πάσης χαρας, και τους τοιούτους εντίμους εχετε, 30 οτι δια το εργον Χριστου μέχρι θανάτου ηγγισεν, παραβολευσάμενος τη ψυχη ινα αναπληρώση το υμων υστέρημα της πρός με λειτουργίας.
3:1 Το λοιπόν, αδελφοί μου, χαίρετε εν κυρίω. τα αυτα γράφειν υμιν εμοι μεν ουκ οκνηρόν, υμιν δε ασφαλές. 2 Βλέπετε τους κύνας, βλέπετε τους κακους εργάτας, βλέπετε την κατατομήν. 3 ημεις γάρ εσμεν η περιτομή, οι πνεύματι θεου λατρεύοντες και καυχώμενοι εν Χριστω Ιησου και ουκ εν σαρκι πεποιθότες, 4 καίπερ εγω εχων πεποίθησιν και εν σαρκί. ει τις δοκει αλλος πεποιθέναι εν σαρκί, εγω μαλλον. 5 περιτομη οκταήμερος, εκ γένους Ισραήλ, φυλης Βενιαμίν, Εβραιος εξ Εβραίων, κατα νόμον Φαρισαιος, 6 κατα ζηλος διώκων την εκκλησίαν, κατα δικαιοσύνην την εν νόμω γενόμενος αμεμπτος. 7 αλλα ατινα ην μοι κέρδη, ταυτα ηγημαι δια τον Χριστον ζημίαν. 8 αλλα μενουνγε και ηγουμαι πάντα ζημίαν ειναι δια το υπερέχον της γνώσεως Χριστου Ιησου του κυρίου μου, δι' ον τα πάντα εζημιώθην, και ηγουμαι σκύβαλα ινα Χριστον κερδήσω9 και ευρεθω εν αυτω, μη εχων εμην δικαιοσύνην την εκ νόμου αλλα την δια πίστεως Χριστου, την εκ θεου δικαιοσύνην επι τη πίστει, 10 του γνωναι αυτον και την δύναμιν της αναστάσεως αυτου και την κοινωνίαν των παθημάτων αυτου, συμμορφιζόμενος τω θανάτω αυτου, 11 ει πως καταντήσω εις την εξανάστασιν την εκ νεκρων. 12 Ουχ οτι ηδη ελαβον η ηδη τετελείωμαι, διώκω δε ει και καταλάβω, εφ' ω και κατελήμφθην υπο Χριστου Ιησου. 13 αδελφοί, εγω εμαυτον ου λογίζομαι κατειληφέναι. εν δέ, τα μεν οπίσω επιλανθανόμενος τοις δε εμπροσθεν επεκτεινόμενος, 14 κατα σκοπον διώκω εις το βραβειον της ανω κλήσεως του θεου εν Χριστω Ιησου. 15 Οσοι ουν τέλειοι, τουτο φρονωμεν. και ει τι ετέρως φρονειτε, και τουτο ο θεος υμιν αποκαλύψει. 16 πλην εις ο εφθάσαμεν, τω αυτω στοιχειν. 17 Συμμιμηταί μου γίνεσθε, αδελφοί, και σκοπειτε τους ουτω περιπατουντας καθως εχετε τύπον ημας. 18 πολλοι γαρ περιπατουσιν ους πολλάκις ελεγον υμιν, νυν δε και κλαίων λέγω, τους εχθρους του σταυρου του Χριστου, 19 ων το τέλος απώλεια, ων ο θεος η κοιλία και η δόξα εν τη αισχύνη αυτων, οι τα επίγεια φρονουντες. 20 ημων γαρ το πολίτευμα εν ουρανοις υπάρχει, εξ ου και σωτηρα απεκδεχόμεθα κύριον Ιησουν Χριστόν, 21 ος μετασχηματίσει το σωμα της ταπεινώσεως ημων σύμμορφον τω σώματι της δόξης αυτου κατα την ενέργειαν του δύνασθαι αυτον και υποτάξαι αυτω τα πάντα.
4:1 Ωστε, αδελφοί μου αγαπητοι και επιπόθητοι, χαρα και στέφανός μου, ουτως στήκετε εν κυρίω, αγαπητοί. 2 Ευοδίαν παρακαλω και Συντύχην παρακαλω το αυτο φρονειν εν κυρίω. 3 ναι ερωτω και σέ, γνήσιε σύζυγε, συλλαμβάνου αυταις, αιτινες εν τω ευαγγελίω συνήθλησάν μοι μετα και Κλήμεντος και των λοιπων συνεργων μου, ων τα ονόματα εν βίβλω ζωης. 4 Χαίρετε εν κυρίω πάντοτε. πάλιν ερω, χαίρετε. 5 το επιεικες υμων γνωσθήτω πασιν ανθρώποις. ο κύριος εγγύς. 6 μηδεν μεριμνατε, αλλ' εν παντι τη προσευχη και τη δεήσει μετα ευχαριστίας τα αιτήματα υμων γνωριζέσθω προς τον θεόν. 7 και η ειρήνη του θεου η υπερέχουσα πάντα νουν φρουρήσει τας καρδίας υμων και τα νοήματα υμων εν Χριστω Ιησου. 8 Το λοιπόν, αδελφοί, οσα εστιν αληθη, οσα σεμνά, οσα δίκαια, οσα αγνά, οσα προσφιλη, οσα ευφημα, ει τις αρετη και ει τις επαινος, ταυτα λογίζεσθε. 9 α και εμάθετε και παρελάβετε και ηκούσατε και ειδετε εν εμοί, ταυτα πράσσετε. και ο θεος της ειρήνης εσται μεθ' υμων. 10 Εχάρην δε εν κυρίω μεγάλως οτι ηδη ποτε ανεθάλετε το υπερ εμου φρονειν, εφ' ω και εφρονειτε ηκαιρεισθε δέ. 11 ουχ οτι καθ' υστέρησιν λέγω, εγω γαρ εμαθον εν οις ειμι αυτάρκης ειναι. 12 οιδα και ταπεινουσθαι, οιδα και περισσεύειν. εν παντι και εν πασιν μεμύημαι και χορτάζεσθαι και πειναν, και περισσεύειν και υστερεισθαι. 13 πάντα ισχύω εν τω ενδυναμουντί με. 14 πλην καλως εποιήσατε συγκοινωνήσαντές μου τη θλίψει. 15 Οιδατε δε και υμεις, Φιλιππήσιοι, οτι εν αρχη του ευαγγελίου, οτε εξηλθον απο Μακεδονίας, ουδεμία μοι εκκλησία εκοινώνησεν εις λόγον δόσεως και λήμψεως ει μη υμεις μόνοι. 16 οτι και εν Θεσσαλονίκη και απαξ και δις εις την χρείαν μοι επέμψατε. 17 ουχ οτι επιζητω το δόμα, αλλα επιζητω τον καρπον τον πλεονάζοντα εις λόγον υμων. 18 απέχω δε πάντα και περισσεύω. πεπλήρωμαι δεξάμενος παρα Επαφροδίτου τα παρ' υμων, οσμην ευωδίας, θυσίαν δεκτήν, ευάρεστον τω θεω. 19 ο δε θεός μου πληρώσει πασαν χρείαν υμων κατα το πλουτος αυτου εν δόξη εν Χριστω Ιησου. 20 τω δε θεω και πατρι ημων η δόξα εις τους αιωνας των αιώνων. αμήν. 21 Ασπάσασθε πάντα αγιον εν Χριστω Ιησου. ασπάζονται υμας οι συν εμοι αδελφοί. 22 ασπάζονται υμας πάντες οι αγιοι, μάλιστα δε οι εκ της Καίσαρος οικίας. 23 η χάρις του κυρίου Ιησου Χριστου μετα του πνεύματος υμων.
ΑΝ ΘΕΛΕΤΕ ΜΙΑ ΚΑΙΝΗ ΔΙΑΘΗΚΗ ΔΩΡΕΑΝ ΣΤΕΙΛΤΕ E-mail: grbiblos@hotlmail.com
(Επώνυμο, Όνομα, Διεύθυνση, Πόλη, Τ.Κ., Τηλέφωνο) ΚΑΙ ΘΑ ΣΟΥ ΣΤΕΙΛΟΥΜΕ ΜΙΑ ΔΩΡΕΑΝ.
