1 Ιούδας Ιησου Χριστου δουλος, αδελφος δε Ιακώβου, τοις εν θεω πατρι ηγαπημένοις και Ιησου Χριστω τετηρημένοις κλητοις. 2 ελεος υμιν και ειρήνη και αγάπη πληθυνθείη. 3 Αγαπητοί, πασαν σπουδήν ποιούμενος γράφειν υμιν περι της κοινης ημων σωτηρίας ανάγκην εσχον γράψαι υμιν παρακαλων επαγωνίζεσθαι τη απαξ παραδοθείση τοις αγίοις πίστει. 4 παρεισέδυσαν γάρ τινες ανθρωποι, οι πάλαι προγεγραμμένοι εις τουτο το κρίμα, ασεβεις, την του θεου ημων χάριτα μετατιθέντες εις ασέλγειαν και τον μόνον δεσπότην και κύριον ημων Ιησουν Χριστον αρνούμενοι. 5 Υπομνησαι δε υμας βούλομαι, ειδότας υμας πάντα οτι ο κύριος απαξ λαον εκ γης Αιγύπτου σώσας το δεύτερον τους μη πιστεύαντας απώλεσεν, 6 αγγέλους τε τους μη τηρήσαντας την εαυτων αρχην αλλα απολιπόντας το ιδιον οικητήριον εις κρίσιν μεγάλης ημέρας δεσμοις αϊδίοις υπο ζόφον τετήρηκεν, 7 ως Σόδομα και Γόμορρα και αι περι αυτας πόλεις τον ομοιον τρόπον τούτοις εκπορνεύσασαι και απελθουσαι οπίσω σαρκος ετέρας, πρόκεινται δειγμα πυρος αιωνίου δίκην υπέχουσαι. 8 Ομοίως μέντοι και ουτοι ενυπνιαζόμενοι σάρκα μεν μιαίνουσιν κυριότητα δε αθετουσιν δόξας δε βλασφημουσιν. 9 ο δε Μιχαηλ ο αρχάγγελος, οτε τω διαβόλω διακρινόμενος διελέγετο περι του Μωϋσέως σώματος, ουκ ετόλμησεν κρίσιν επενεγκειν βλασφημίας αλλα ειπεν, Επιτιμήσαι σοι κύριος. 10 ουτοι δε οσα μεν ουκ οιδασιν βλασφημουσιν, οσα δε φυσικως ως τα αλογα ζωα επίστανται, εν τούτοις φθείρονται. 11 ουαι αυτοις, οτι τη οδω του Κάϊν επορεύθησαν και τη πλάνη του Βαλααμ μισθου εξεχύθησαν και τη αντιλογία του Κόρε απώλοντο. 12 ουτοί εισιν οι εν ταις αγάπαις υμων σπιλάδες συνευωχούμενοι αφόβως, εαυτους ποιμαίνοντες, νεφέλαι ανυδροι υπο ανέμων παραφερόμεναι, δένδρα φθινοπωρινα ακαρπα δις αποθανόντα εκριζωθέντα, 13 κύματα αγρια θαλάσσης επαφρίζοντα τας εαυτων αισχύνας, αστέρες πλανηται οις ο ζόφος του σκότους εις αιωνα τετήρηται. 14 Προεφήτευσεν δε και τούτοις εβδομος από Αδαμ Ενωχ λέγων, Ιδου ηλθεν κύριος εν αγίαις μυριάσιν αυτου 15 ποιησαι κρίσιν κατα πάντων και ελέγξαι πασαν ψυχην περι πάντων των εργων ασεβείας αυτων ων ησέβησαν και περι πάντων των σκληρων ων ελάλησαν κατ' αυτου αμαρτωλοι ασεβεις. 16 Ουτοί εισιν γογγυσται μεμψίμοιροι κατα τας επιθυμίας εαυτων πορευόμενοι, και το στόμα αυτων λαλει υπέρογκα, θαυμάζοντες πρόσωπα ωφελείας χάριν. 17 Υμεις δέ, αγαπητοί, μνήσθητε των ρημάτων των προειρημένων υπο των αποστόλων του κυρίου ημων Ιησου Χριστου 18 οτι ελεγον υμιν οτι Επ' εσχάτου του χρόνου εσονται εμπαικται κατα τας εαυτων επιθυμίας πορευόμενοι των ασεβειων. 19 Ουτοί εισιν οι αποδιορίζοντες, ψυχικοί, πνευμα μη εχοντες. 20 υμεις δέ, αγαπητοί, εποικοδομουντες εαυτους τη αγιωτάτη υμων πίστει, εν πνεύματι αγίω προσευχόμενοι, 21 εαυτους εν αγάπη θεου τηρήσατε προσδεχόμενοι το ελεος του κυρίου ημων Ιησου Χριστου εις ζωην αιώνιον. 22 και ους μεν ελεατε διακρινομένους, 23 ους δε σώζετε εκ πυρος αρπάζοντες, ους δε ελεατε εν φόβω μισουντες και τον απο της σαρκος εσπιλωμένον χιτωνα. 24 Τω δε δυναμένω φυλάξαι υμας απταίστους και στησαι κατενώπιον της δόξης αυτου αμώμους εν αγαλλιάσει, 25 μόνω θεω σωτηρι ημων δια Ιησου Χριστου του κυρίου ημων δόξα μεγαλωσύνη κράτος και εξουσία προ παντος του αιωνος και νυν και εις πάντας τους αιωνας, αμήν.
ΑΝ ΘΕΛΕΤΕ ΜΙΑ ΚΑΙΝΗ ΔΙΑΘΗΚΗ ΔΩΡΕΑΝ ΣΤΕΙΛΤΕ E-mail: grbiblos@hotlmail.com
(Επώνυμο, Όνομα, Διεύθυνση, Πόλη, Τ.Κ., Τηλέφωνο) ΚΑΙ ΘΑ ΣΟΥ ΣΤΕΙΛΟΥΜΕ ΜΙΑ ΔΩΡΕΑΝ.
