1:1 Παυλος απόστολος Χριστου Ιησου δια θελήματος θεου και Τιμόθεος ο αδελφος 2 τοις εν Κολοσσαις αγίοις και πιστοις αδελφοις εν Χριστω. χάρις υμιν και ειρήνη απο θεου πατρος ημων. 3 Ευχαριστουμεν τω θεω πατρι του κυρίου ημων Ιησου Χριστου πάντοτε περι υμων προσευχόμενοι, 4 ακούσαντες την πίστιν υμων εν Χριστω Ιησου και την αγάπην ην εχετε εις πάντας τους αγίους 5 δια την ελπίδα την αποκειμένην υμιν εν τοις ουρανοις, ην προηκούσατε εν τω λόγω της αληθείας του ευαγγελίου 6 του παρόντος εις υμας, καθως και εν παντι τω κόσμω εστιν καρποφορούμενον και αυξανόμενον καθως και εν υμιν, αφ' ης ημέρας ηκούσατε και επέγνωτε την χάριν του θεου εν αληθεία. 7 καθως εμάθετε απο Επαφρα του αγαπητου συνδούλου ημων, ος εστιν πιστος υπερ υμων διάκονος του Χριστου, 8 ο και δηλώσας ημιν την υμων αγάπην εν πνεύματι. 9 Δια τουτο και ημεις, αφ' ης ημέρας ηκούσαμεν, ου παυόμεθα υπερ υμων προσευχόμενοι και αιτούμενοι ινα πληρωθητε την επίγνωσιν του θελήματος αυτου εν πάση σοφία και συνέσει πνευματικη, 10 περιπατησαι αξίως του κυρίου εις πασαν αρεσκείαν, εν παντι εργω αγαθω καρποφορουντες και αυξανόμενοι τη επιγνώσει του θεου, 11 εν πάση δυνάμει δυναμούμενοι κατα το κράτος της δόξης αυτου εις πασαν υπομονην και μακροθυμίαν, μετα χαρας 12 ευχαριστουντες τω πατρι τω ικανώσαντι υμας εις την μερίδα του κλήρου των αγίων εν τω φωτί. 13 ος ερρύσατο ημας εκ της εξουσίας του σκότους και μετέστησεν εις την βασιλείαν του υιου της αγάπης αυτου, 14 εν ω εχομεν την απολύτρωσιν, την αφεσιν των αμαρτιων. 15 ος εστιν εικων του θεου του αοράτου, πρωτότοκος πάσης κτίσεως, 16 οτι εν αυτω εκτίσθη τα πάντα εν τοις ουρανοις και επι της γης, τα ορατα και τα αόρατα, ειτε θρόνοι ειτε κυριότητες ειτε αρχαι ειτε εξουσίαι. τα πάντα δι' αυτου και εις αυτον εκτισται, 17 και αυτός εστιν προ πάντων και τα πάντα εν αυτω συνέστηκεν. 18 και αυτός εστιν η κεφαλη του σώματος, της εκκλησίας. ος εστιν αρχή, πρωτότοκος εκ των νεκρων, ινα γένηται εν πασιν αυτος πρωτεύων, 19 οτι εν αυτω ευδόκησεν παν το πλήρωμα κατοικησαι 20 και δι' αυτου αποκαταλλάξαι τα πάντα εις αυτόν, ειρηνοποιήσας δια του αιματος του σταυρου αυτου, δι' αυτου ειτε τα επι της γης ειτε τα εν τοις ουρανοις. 21 Και υμας ποτε οντας απηλλοτριωμένους και εχθρους τη διανοία εν τοις εργοις τοις πονηροις, 22 νυνι δε αποκατήλλαξεν εν τω σώματι της σαρκος αυτου δια του θανάτου, παραστησαι υμας αγίους και αμώμους και ανεγκλήτους κατενώπιον αυτου, 23 ει γε επιμένετε τη πίστει τεθεμελιωμένοι και εδραιοι και μη μετακινούμενοι απο της ελπίδος του ευαγγελίου ου ηκούσατε, του κηρυχθέντος εν πάση κτίσει τη υπο τον ουρανόν, ου εγενόμην εγω Παυλος διάκονος. 24 Νυν χαίρω εν τοις παθήμασιν υπερ υμων, και ανταναπληρω τα υστερήματα των θλίψεων του Χριστου εν τη σαρκί μου υπερ του σώματος αυτου, ο εστιν η εκκλησία, 25 ης εγενόμην εγω διάκονος κατα την οικονομίαν του θεου την δοθεισάν μοι εις υμας πληρωσαι τον λόγον του θεου, 26 το μυστήριον το αποκεκρυμμένον απο των αιώνων και απο των γενεων,ν νυν δε εφανερώθη τοις αγίοις αυτου, 27 οις ηθέλησεν ο θεος γνωρίσαι τί το πλουτος της δόξης του μυστηρίου τούτου εν τοις εθνεσιν, ο εστιν Χριστος εν υμιν, η ελπις της δόξης. 28 ον ημεις καταγγέλλομεν νουθετουντες πάντα ανθρωπον και διδάσκοντες πάντα ανθρωπον εν πάση σοφία, ινα παραστήσωμεν πάντα ανθρωπον τέλειον εν Χριστω. 29 εις ο και κοπιω αγωνιζόμενος κατα την ενέργειαν αυτου την ενεργουμένην εν εμοι εν δυνάμει.
2:1 Θέλω γαρ υμας ειδέναι ηλίκον αγωνα εχω υπερ υμων και των εν Λαοδικεία και οσοι ουχ εόρακαν το πρόσωπόν μου εν σαρκί, 2 ινα παρακληθωσιν αι καρδίαι αυτων, συμβιβασθέντες εν αγάπη και εις παν πλουτος της πληροφορίας της συνέσεως, εις επίγνωσιν του μυστηρίου του θεου, Χριστου, 3 εν ω εισιν πάντες οι θησαυροι της σοφίας και γνώσεως απόκρυφοι. 4 Τουτο λέγω ινα μηδεις υμας παραλογίζηται εν πιθανολογία. 5 ει γαρ και τη σαρκι απειμι, αλλα τω πνεύματι συν υμιν ειμι, χαίρων και βλέπων υμων την τάξιν και το στερέωμα της εις Χριστον πίστεως υμων. 6 Ως ουν παρελάβετε τον Χριστον Ιησουν τον κύριον, εν αυτω περιπατειτε, 7 ερριζωμένοι και εποικοδομούμενοι εν αυτω και βεβαιούμενοι τη πίστει καθως εδιδάχθητε, περισσεύοντες εν ευχαριστία. 8 βλέπετε μή τις υμας εσται ο συλαγωγων δια της φιλοσοφίας και κενης απάτης κατα την παράδοσιν των ανθρώπων, κατα τα στοιχεια του κόσμου και ου κατα Χριστόν. 9 οτι εν αυτω κατοικει παν το πλήρωμα της θεότητος σωματικως, 10 και εστε εν αυτω πεπληρωμένοι, ος εστιν η κεφαλη πάσης αρχης και εξουσίας, 11 εν ω και περιετμήθητε περιτομη αχειροποιήτω εν τη απεκδύσει του σώματος της σαρκός, εν τη περιτομη του Χριστου, 12 συνταφέντες αυτω εν τω βαπτισμω, εν ω και συνηγέρθητε δια της πίστεως της ενεργείας του θεου του εγείραντος αυτον εκ νεκρων. 13 και υμας νεκρους οντας εν τοις παραπτώμασιν και τη ακροβυστία της σαρκος υμων, συνεζωοποίησεν υμας συν αυτω, χαρισάμενος ημιν πάντα τα παραπτώματα, 14 εξαλείψας το καθ' ημων χειρόγραφον τοις δόγμασιν ο ην υπεναντίον ημιν, και αυτο ηρκεν εκ του μέσου προσηλώσας αυτο τω σταυρω. 15 απεκδυσάμενος τας αρχας και τας εξουσίας εδειγμάτισεν εν παρρησία, θριαμβεύσας αυτους εν αυτω. 16 Μη ουν τις υμας κρινέτω εν βρώσει και εν πόσει η εν μέρει εορτης η νεομηνίας η σαββάτων, 17 α εστιν σκια των μελλόντων, το δε σωμα του Χριστου. 18 μηδεις υμας καταβραβευέτω θέλων εν ταπεινοφροσύνη και θρησκεία των αγγέλων, α εόρακεν εμβατεύων, εικη φυσιούμενος υπο του νοος της σαρκος αυτου, 19 και ου κρατων την κεφαλήν, εξ ου παν το σωμα δια των αφων και συνδέσμων επιχορηγούμενον και συμβιβαζόμενον αυξει την αυξησιν του θεου. 20 Ει απεθάνετε συν Χριστω απο των στοιχείων του κόσμου, τί ως ζωντες εν κόσμω δογματίζεσθε, 21 Μη αψη μηδε γεύση μηδε θίγης, 22 α εστιν πάντα εις φθοραν τη αποχρήσει, κατα τα εντάλματα και διδασκαλίας των ανθρώπων; 23 ατινά εστιν λόγον μεν εχοντα σοφίας εν εθελοθρησκία και ταπεινοφροσύνη και αφειδία σώματος, ουκ εν τιμη τινι προς πλησμονην της σαρκός.
3:1 Ει ουν συνηγέρθητε τω Χριστω, τα ανω ζητειτε, ου ο Χριστός εστιν εν δεξια του θεου καθήμενος. 2 τα ανω φρονειτε, μη τα επι της γης. 3 απεθάνετε γάρ, και η ζωη υμων κέκρυπται συν τω Χριστω εν τω θεω. 4 οταν ο Χριστος φανερωθη, η ζωη υμων, τότε και υμεις συν αυτω φανερωθήσεσθε εν δόξη. 5 Νεκρώσατε ουν τα μέλη τα επι της γης, πορνείαν, ακαθαρσίαν, πάθος, επιθυμίαν κακήν, και την πλεονεξίαν ητις εστιν ειδωλολατρία, 6 δι' α ερχεται η οργη του θεου επι τους υιους της απειθείας. 7 εν οις και υμεις περιεπατήσατέ ποτε οτε εζητε εν τούτοις. 8 νυνι δε απόθεσθε και υμεις τα πάντα, οργήν, θυμόν, κακίαν, βλασφημίαν, αισχρολογίαν εκ του στόματος υμων. 9 μη ψεύδεσθε εις αλλήλους, απεκδυσάμενοι τον παλαιον ανθρωπον συν ταις πράξεσιν αυτου, 10 και ενδυσάμενοι τον νέον τον ανακαινούμενον εις επίγνωσιν κατ' εικόνα του κτίσαντος αυτόν, 11 οπου ουκ ενι Ελλην και Ιουδαιος, περιτομη και ακροβυστία, βάρβαρος, Σκύθης, δουλος, ελεύθερος, αλλα τα πάντα και εν πασιν Χριστός. 12 Ενδύσασθε ουν ως εκλεκτοι του θεου, αγιοι και ηγαπημένοι, σπλάγχνα οικτιρμου, χρηστότητα, ταπεινοφροσύνην, πραϋτητα, μακροθυμίαν, 13 ανεχόμενοι αλλήλων και χαριζόμενοι εαυτοις εάν τις πρός τινα εχη μομφήν. καθως και ο κύριος εχαρίσατο υμιν ουτως και υμεις. 14 επι πασιν δε τούτοις την αγάπην, ο εστιν σύνδεσμος της τελειότητος. 15 και η ειρήνη του Χριστου βραβευέτω εν ταις καρδίαις υμων, εις ην και εκλήθητε εν ενι σώματι. και ευχάριστοι γίνεσθε. 16 ο λόγος του Χριστου ενοικείτω εν υμιν πλουσίως, εν πάση σοφία διδάσκοντες και νουθετουντες εαυτους ψαλμοις, υμνοις, ωδαις πνευματικαις εν τη χάριτι αδοντες εν ταις καρδίαις υμων τω θεω. 17 και παν ο τι εαν ποιητε εν λόγω η εν εργω, πάντα εν ονόματι κυρίου Ιησου, ευχαριστουντες τω θεω πατρι δι' αυτου. 18 Αι γυναικες, υποτάσσεσθε τοις ανδράσιν, ως ανηκεν εν κυρίω. 19 Οι ανδρες, αγαπατε τας γυναικας και μη πικραίνεσθε προς αυτάς. 20 Τα τέκνα, υπακούετε τοις γονευσιν κατα πάντα, τουτο γαρ ευάρεστόν εστιν εν κυρίω. 21 Οι πατέρες, μη ερεθίζετε τα τέκνα υμων, ινα μη αθυμωσιν. 22 Οι δουλοι, υπακούετε κατα πάντα τοις κατα σάρκα κυρίοις, μη εν οφθαλμοδουλία ως ανθρωπάρεσκοι, αλλ' εν απλότητι καρδίας, φοβούμενοι τον κύριον. 23 ο εαν ποιητε, εκ ψυχης εργάζεσθε, ως τω κυρίω και ουκ ανθρώποις, 24 ειδότες οτι απο κυρίου απολήμψεσθε την ανταπόδοσιν της κληρονομίας. τω κυρίω Χριστω δουλεύετε. 25 ο γαρ αδικων κομίσεται ο ηδίκησεν, και ουκ εστιν προσωπολημψία.
4:1 Οι κύριοι, το δίκαιον και την ισότητα τοις δούλοις παρέχεσθε, ειδότες οτι και υμεις εχετε κύριον εν ουρανω. 2 Τη προσευχη προσκαρτερειτε, γρηγορουντες εν αυτη εν ευχαριστία, 3 προσευχόμενοι αμα και περι ημων, ινα ο θεος ανοίξη ημιν θύραν του λόγου, λαλησαι το μυστήριον του Χριστου, δι' ο και δέδεμαι, 4 ινα φανερώσω αυτο ως δει με λαλησαι. 5 Εν σοφία περιπατειτε προς τους εξω, τον καιρον εξαγοραζόμενοι. 6 ο λόγος υμων πάντοτε εν χάριτι, αλατι ηρτυμένος, ειδέναι πως δει υμας ενι εκάστω αποκρίνεσθαι. 7 Τα κατ' εμε πάντα γνωρίσει υμιν Τυχικος ο αγαπητος αδελφος και πιστος διάκονος και σύνδουλος εν κυρίω, 8 ον επεμψα προς υμας εις αυτο τουτο, ινα γνωτε τα περι ημων και παρακαλέση τας καρδίας υμων, 9 συν Ονησίμω τω πιστω και αγαπητω αδελφω, ος εστιν εξ υμων. πάντα υμιν γνωρίσουσιν τα ωδε. 10 Ασπάζεται υμας Αρίσταρχος ο συναιχμάλωτός μου, και Μαρκος ο ανεψιος Βαρναβα (περι ου ελάβετε εντολάς, εαν ελθη προς υμας δέξασθε αυτόν), 11 και Ιησους ο λεγόμενος Ιουστος, οι οντες εκ περιτομης ουτοι μόνοι συνεργοι εις την βασιλείαν του θεου, οιτινες εγενήθησάν μοι παρηγορία. 12 ασπάζεται υμας Επαφρας ο εξ υμων, δουλος Χριστου Ιησου, πάντοτε αγωνιζόμενος υπερ υμων εν ταις προσευχαις, ινα σταθητε τέλειοι και πεπληροφορημένοι εν παντι θελήματι του θεου. 13 μαρτυρω γαρ αυτω οτι εχει πολυν πόνον υπερ υμων και των εν Λαοδικεία και των εν Ιεραπόλει. 14 ασπάζεται υμας Λουκας ο ιατρος ο αγαπητος και Δημας. 15 Ασπάσασθε τους εν Λαοδικεία αδελφους και Νύμφαν και την κατ' οικον αυτης εκκλησίαν. 16 και οταν αναγνωσθη παρ' υμιν η επιστολή, ποιήσατε ινα και εν τη Λαοδικέων εκκλησία αναγνωσθη, και την εκ Λαοδικείας ινα και υμεις αναγνωτε. 17 και ειπατε Αρχίππω, Βλέπε την διακονίαν ην παρέλαβες εν κυρίω, ινα αυτην πληροις. 18 Ο ασπασμος τη εμη χειρι Παύλου. μνημονεύετέ μου των δεσμων. η χάρις μεθ' υμων.
ΑΝ ΘΕΛΕΤΕ ΜΙΑ ΚΑΙΝΗ ΔΙΑΘΗΚΗ ΔΩΡΕΑΝ ΣΤΕΙΛΤΕ E-mail: grbiblos@hotlmail.com
(Επώνυμο, Όνομα, Διεύθυνση, Πόλη, Τ.Κ., Τηλέφωνο) ΚΑΙ ΘΑ ΣΟΥ ΣΤΕΙΛΟΥΜΕ ΜΙΑ ΔΩΡΕΑΝ.
