1:1 Παυλος απόστολος Χριστου Ιησου δια θελήματος θεου κατ' επαγγελίαν ζωης της εν Χριστω Ιησου 2 Τιμοθέω αγαπητω τέκνω. χάρις, ελεος, ειρήνη απο θεου πατρος και Χριστου Ιησου του κυρίου ημων. 3 Χάριν εχω τω θεω, ω λατρεύω απο προγόνων εν καθαρα συνειδήσει, ως αδιάλειπτον εχω την περι σου μνείαν εν ταις δεήσεσίν μου νυκτος και ημέρας, 4 επιποθων σε ιδειν, μεμνημένος σου των δακρύων, ινα χαρας πληρωθω, 5 υπόμνησιν λαβων της εν σοι ανυποκρίτου πίστεως, ητις ενώκησεν πρωτον εν τη μάμμη σου Λωϊδι και τη μητρί σου Ευνίκη, πέπεισμαι δε οτι και εν σοί. 6 δι' ην αιτίαν αναμιμνήσκω σε αναζωπυρειν το χάρισμα του θεου, ο εστιν εν σοι δια της επιθέσεως των χειρων μου. 7 ου γαρ εδωκεν ημιν ο θεος πνευμα δειλίας, αλλα δυνάμεως και αγάπης και σωφρονισμου. 8 μη ουν επαισχυνθης το μαρτύριον του κυρίου ημων μηδε εμε τον δέσμιον αυτου, αλλα συγκακοπάθησον τω ευαγγελίω κατα δύναμιν θεου, 9 του σώσαντος ημας και καλέσαντος κλήσει αγία, ου κατα τα εργα ημων αλλα κατα ιδίαν πρόθεσιν και χάριν, την δοθεισαν ημιν εν Χριστω Ιησου προ χρόνων αιωνίων, 10 φανερωθεισαν δε νυν δια της επιφανείας του σωτηρος ημων Χριστου Ιησου, καταργήσαντος μεν τον θάνατον φωτίσαντος δε ζωην και αφθαρσίαν δια του ευαγγελίου, 11 εις ο ετέθην εγω κηρυξ και απόστολος και διδάσκαλος. 12 δι' ην αιτίαν και ταυτα πάσχω, αλλ ουκ επαισχύνομαι, οιδα γαρ ω πεπίστευκα, και πέπεισμαι οτι δυνατός εστιν την παραθήκην μου φυλάξαι εις εκείνην την ημέραν. 13 υποτύπωσιν εχε υγιαινόντων λόγων ων παρ' εμου ηκουσας εν πίστει και αγάπη τη εν Χριστω Ιησου. 14 την καλην παραθήκην φύλαξον δια πνεύματος αγίου του ενοικουντος εν ημιν. 15 Οιδας τουτο, οτι απεστράφησάν με πάντες οι εν τη Ασία, ων εστιν Φύγελος και Ερμογένης. 16 δώη ελεος ο κύριος τω Ονησιφόρου οικω, οτι πολλάκις με ανέψυξεν και την αλυσίν μου ουκ επαισχύνθη, 17 αλλα γενόμενος εν Ρώμη σπουδαίως εζήτησέν με και ευρεν 18 , δώη αυτω ο κύριος ευρειν ελεος παρα κυρίου εν εκείνη τη ημέρα,α και οσα εν Εφέσω διηκόνησεν, βέλτιον συ γινώσκεις.
2:1 Συ ουν, τέκνον μου, ενδυναμου εν τη χάριτι τη εν Χριστω Ιησου, 2 και α ηκουσας παρ' εμου δια πολλων μαρτύρων, ταυτα παράθου πιστοις ανθρώποις, οιτινες ικανοι εσονται και ετέρους διδάξαι. 3 συγκακοπάθησον ως καλος στρατιώτης Χριστου Ιησου. 4 ουδεις στρατευόμενος εμπλέκεται ταις του βίου πραγματείαις, ινα τω στρατολογήσαντι αρέση. 5 εαν δε και αθλη τις, ου στεφανουται εαν μη νομίμως αθλήση. 6 τον κοπιωντα γεωργον δει πρωτον των καρπων μεταλαμβάνειν. 7 νόει ο λέγω. δώσει γάρ σοι ο κύριος σύνεσιν εν πασιν. 8 Μνημόνευε Ιησουν Χριστον εγηγερμένον εκ νεκρων, εκ σπέρματος Δαυίδ, κατα το ευαγγέλιόν μου. 9 εν ω κακοπαθω μέχρι δεσμων ως κακουργος, αλλα ο λόγος του θεου ου δέδεται. 10 δια τουτο πάντα υπομένω δια τους εκλεκτούς, ινα και αυτοι σωτηρίας τύχωσιν της εν Χριστω Ιησου μετα δόξης αιωνίου. 11 πιστος ο λόγος. ει γαρ συναπεθάνομεν, και συζήσομεν. 12 ει υπομένομεν, και συμβασιλεύσομεν. ει αρνησόμεθα, κακεινος αρνήσεται ημας. 13 ει απιστουμεν, εκεινος πιστος μένει, αρνήσασθαι γαρ εαυτον ου δύναται. 14 Ταυτα υπομίμνησκε, διαμαρτυρόμενος ενώπιον του θεου μη λογομαχειν, επ' ουδεν χρήσιμον, επι καταστροφη των ακουόντων. 15 σπούδασον σεαυτον δόκιμον παραστησαι τω θεω, εργάτην ανεπαίσχυντον, ορθοτομουντα τον λόγον της αληθείας. 16 τας δε βεβήλους κενοφωνίας περιϊστασο. επι πλειον γαρ προκόψουσιν ασεβείας, 17 και ο λόγος αυτων ως γάγγραινα νομην εξει. ων εστιν Υμέναιος και Φίλητος, 18 οιτινες περι την αλήθειαν ηστόχησαν, λέγοντες την ανάστασιν ηδη γεγονέναι, και ανατρέπουσιν τήν τινων πίστιν. 19 ο μέντοι στερεος θεμέλιος του θεου εστηκεν, εχων την σφραγιδα ταύτην. Εγνω κύριος τους οντας αυτου, καί, Αποστήτω απο αδικίας πας ο ονομάζων το ονομα κυρίου. 20 Εν μεγάλη δε οικία ουκ εστιν μόνον σκεύη χρυσα και αργυρα αλλα και ξύλινα και οστράκινα, και α μεν εις τιμην α δε εις ατιμίαν. 21 εαν ουν τις εκκαθάρη εαυτον απο τούτων, εσται σκευος εις τιμήν, ηγιασμένον, ευχρηστον τω δεσπότη, εις παν εργον αγαθον ητοιμασμένον. 22 τας δε νεωτερικας επιθυμίας φευγε, δίωκε δε δικαιοσύνην, πίστιν, αγάπην, ειρήνην μετα των επικαλουμένων τον κύριον εκ καθαρας καρδίας. 23 τας δε μωρας και απαιδεύτους ζητήσεις παραιτου, ειδως οτι γεννωσιν μάχας. 24 δουλον δε κυρίου ου δει μάχεσθαι, αλλα ηπιον ειναι προς πάντας, διδακτικόν, ανεξίκακον, 25 εν πραϋτητι παιδεύοντα τους αντιδιατιθεμένους, μήποτε δώη αυτοις ο θεος μετάνοιαν εις επίγνωσιν αληθείας, 26 και ανανήψωσιν εκ της του διαβόλου παγίδος, εζωγρημένοι υπ' αυτου εις το εκείνου θέλημα.
3:1 Τουτο δε γίνωσκε, οτι εν εσχάταις ημέραις ενστήσονται καιροι χαλεποί. 2 εσονται γαρ οι ανθρωποι φίλαυτοι, φιλάργυροι, αλαζόνες, υπερήφανοι, βλάσφημοι, γονευσιν απειθεις, αχάριστοι, ανόσιοι, 3 αστοργοι, ασπονδοι, διάβολοι, ακρατεις, ανήμεροι, αφιλάγαθοι, 4 προδόται, προπετεις, τετυφωμένοι, φιλήδονοι μαλλον η φιλόθεοι, 5 εχοντες μόρφωσιν ευσεβείας την δε δύναμιν αυτης ηρνημένοι. και τούτους αποτρέπου. 6 εκ τούτων γάρ εισιν οι ενδύνοντες εις τας οικίας και αιχμαλωτίζοντες γυναικάρια σεσωρευμένα αμαρτίαις, αγόμενα επιθυμίαις ποικίλαις, 7 πάντοτε μανθάνοντα και μηδέποτε εις επίγνωσιν αληθείας ελθειν δυνάμενα. 8 ον τρόπον δε Ιάννης και Ιαμβρης αντέστησαν Μωϋσει, ουτως και ουτοι ανθίστανται τη αληθεία, ανθρωποι κατεφθαρμένοι τον νουν, αδόκιμοι περι την πίστιν. 9 αλλ ου προκόψουσιν επι πλειον, η γαρ ανοια αυτων εκδηλος εσται πασιν, ως και η εκείνων εγένετο. 10 Συ δε παρηκολούθησάς μου τη διδασκαλία, τη αγωγη, τη προθέσει, τη πίστει, τη μακροθυμία, τη αγάπη, τη υπομονη, 11 τοις διωγμοις, τοις παθήμασιν, οιά μοι εγένετο εν Αντιοχεία, εν Ικονίω, εν Λύστροις, οιους διωγμους υπήνεγκα. και εκ πάντων με ερρύσατο ο κύριος. 12 και πάντες δε οι θέλοντες ευσεβως ζην εν Χριστω Ιησου διωχθήσονται. 13 πονηροι δε ανθρωποι και γόητες προκόψουσιν επι το χειρον, πλανωντες και πλανώμενοι. 14 συ δε μένε εν οις εμαθες και επιστώθης, ειδως παρα τίνων εμαθες, 15 και οτι απο βρέφους τα ιερα γράμματα οιδας, τα δυνάμενά σε σοφίσαι εις σωτηρίαν δια πίστεως της εν Χριστω Ιησου. 16 πασα γραφη θεόπνευστος και ωφέλιμος προς διδασκαλίαν, προς ελεγμόν, προς επανόρθωσιν, προς παιδείαν την εν δικαιοσύνη, 17 ινα αρτιος η ο του θεου ανθρωπος, προς παν εργον αγαθον εξηρτισμένος.
4:1 Διαμαρτύρομαι ενώπιον του θεου και Χριστου Ιησου, του μέλλοντος κρίνειν ζωντας και νεκρούς, και την επιφάνειαν αυτου και την βασιλείαν αυτου. 2 κήρυξον τον λόγον, επίστηθι ευκαίρως ακαίρως, ελεγξον, επιτίμησον, παρακάλεσον, εν πάση μακροθυμία και διδαχη. 3 εσται γαρ καιρος οτε της υγιαινούσης διδασκαλίας ουκ ανέξονται, αλλα κατα τας ιδίας επιθυμίας εαυτοις επισωρεύσουσιν διδασκάλους κνηθόμενοι την ακοήν, 4 και απο μεν της αληθείας την ακοην αποστρέψουσιν, επι δε τους μύθους εκτραπήσονται. 5 συ δε νηφε εν πασιν, κακοπάθησον, εργον ποίησον ευαγγελιστου, την διακονίαν σου πληροφόρησον. 6 Εγω γαρ ηδη σπένδομαι, και ο καιρος της αναλύσεώς μου εφέστηκεν. 7 τον καλον αγωνα ηγώνισμαι, τον δρόμον τετέλεκα, την πίστιν τετήρηκα. 8 λοιπον απόκειταί μοι ο της δικαιοσύνης στέφανος, ον αποδώσει μοι ο κύριος εν εκείνη τη ημέρα, ο δίκαιος κριτής, ου μόνον δε εμοι αλλα και πασι τοις ηγαπηκόσι την επιφάνειαν αυτου. 9 Σπούδασον ελθειν πρός με ταχέως. 10 Δημας γάρ με εγκατέλιπεν αγαπήσας τον νυν αιωνα, και επορεύθη εις Θεσσαλονίκην, Κρήσκης εις Γαλατίαν, Τίτος εις Δαλματίαν. 11 Λουκας εστιν μόνος μετ' εμου. Μαρκον αναλαβων αγε μετα σεαυτου, εστιν γάρ μοι ευχρηστος εις διακονίαν. 12 Τυχικον δε απέστειλα εις Εφεσον. 13 τον φαιλόνην ον απέλιπον εν Τρωάδι παρα Κάρπω ερχόμενος φέρε, και τα βιβλία, μάλιστα τας μεμβράνας. 14 Αλέξανδρος ο χαλκευς πολλά μοι κακα ενεδείξατο. αποδώσει αυτω ο κύριος κατα τα εργα αυτου. 15 ον και συ φυλάσσου, λίαν γαρ αντέστη τοις ημετέροις λόγοις. 16 Εν τη πρώτη μου απολογία ουδείς μοι παρεγένετο, αλλα πάντες με εγκατέλιπον. μη αυτοις λογισθείη. 17 ο δε κύριός μοι παρέστη και ενεδυνάμωσέν με, ινα δι' εμου το κήρυγμα πληροφορηθη και ακούσωσιν πάντα τα εθνη, και ερρύσθην εκ στόματος λέοντος. 18 ρύσεταί με ο κύριος απο παντος εργου πονηρου και σώσει εις την βασιλείαν αυτου την επουράνιον, ω η δόξα εις τους αιωνας των αιώνων. αμήν. 19 Ασπασαι Πρίσκαν και Ακύλαν και τον Ονησιφόρου οικον. 20 Εραστος εμεινεν εν Κορίνθω, Τρόφιμον δε απέλιπον εν Μιλήτω ασθενουντα. 21 Σπούδασον προ χειμωνος ελθειν. Ασπάζεταί σε Ευβουλος και Πούδης και Λίνος και Κλαυδία και οι αδελφοι πάντες. 22 Ο κύριος μετα του πνεύματός σου. η χάρις μεθ' υμων.
ΑΝ ΘΕΛΕΤΕ ΜΙΑ ΚΑΙΝΗ ΔΙΑΘΗΚΗ ΔΩΡΕΑΝ ΣΤΕΙΛΤΕ E-mail: grbiblos@hotlmail.com
(Επώνυμο, Όνομα, Διεύθυνση, Πόλη, Τ.Κ., Τηλέφωνο) ΚΑΙ ΘΑ ΣΟΥ ΣΤΕΙΛΟΥΜΕ ΜΙΑ ΔΩΡΕΑΝ.
