1:1 Παυλος και Σιλουανος και Τιμόθεος τη εκκλησία Θεσσαλονικέων εν θεω πατρι και κυρίω Ιησου Χριστω. χάρις υμιν και ειρήνη. 2 Ευχαριστουμεν τω θεω πάντοτε περι πάντων υμων, μνείαν ποιούμενοι επι των προσευχων ημων, αδιαλείπτως 3 μνημονεύοντες υμων του εργου της πίστεως και του κόπου της αγάπης και της υπομονης της ελπίδος του κυρίου ημων Ιησου Χριστου εμπροσθεν του θεου και πατρος ημων, 4 ειδότες, αδελφοι ηγαπημένοι υπο του θεου, την εκλογην υμων, 5 οτι το ευαγγέλιον ημων ουκ εγενήθη εις υμας εν λόγω μόνον αλλα και εν δυνάμει και εν πνεύματι αγίω και εν πληροφορία πολλη, καθως οιδατε οιοι εγενήθημεν εν υμιν δι' υμας. 6 και υμεις μιμηται ημων εγενήθητε και του κυρίου, δεξάμενοι τον λόγον εν θλίψει πολλη μετα χαρας πνεύματος αγίου, 7 ωστε γενέσθαι υμας τύπον πασιν τοις πιστεύουσιν εν τη Μακεδονία και εν τη Αχαϊα. 8 αφ' υμων γαρ εξήχηται ο λόγος του κυρίου ου μόνον εν τη Μακεδονία και εν τη Αχαϊα, αλλ' εν παντι τόπω η πίστις υμων η προς τον θεον εξελήλυθεν, ωστε μη χρείαν εχειν ημας λαλειν τι. 9 αυτοι γαρ περι ημων απαγγέλλουσιν οποίαν εισοδον εσχομεν προς υμας, και πως επεστρέψατε προς τον θεον απο των ειδώλων δουλεύειν θεω ζωντι και αληθινω, 10 και αναμένειν τον υιον αυτου εκ των ουρανων, ον ηγειρεν εκ των νεκρων, Ιησουν τον ρυόμενον ημας εκ της οργης της ερχομένης.
2:1 Αυτοι γαρ οιδατε, αδελφοί, την εισοδον ημων την προς υμας οτι ου κενη γέγονεν, 2 αλλα προπαθόντες και υβρισθέντες καθως οιδατε εν Φιλίπποις επαρρησιασάμεθα εν τω θεω ημων λαλησαι προς υμας το ευαγγέλιον του θεου εν πολλω αγωνι. 3 η γαρ παράκλησις ημων ουκ εκ πλάνης ουδε εξ ακαθαρσίας ουδε εν δόλω, 4 αλλα καθως δεδοκιμάσμεθα υπο του θεου πιστευθηναι το ευαγγέλιον ουτως λαλουμεν, ουχ ως ανθρώποις αρέσκοντες αλλα θεω τω δοκιμάζοντι τας καρδίας ημων. 5 ουτε γάρ ποτε εν λόγω κολακείας εγενήθημεν, καθως οιδατε, ουτε εν προφάσει πλεονεξίας, θεος μάρτυς, 6 ουτε ζητουντες εξ ανθρώπων δόξαν, ουτε αφ' υμων ουτε απ' αλλων, 7 δυνάμενοι εν βάρει ειναι ως Χριστου απόστολοι, αλλα εγενήθημεν νήπιοι εν μέσω υμων. ως εαν τροφος θάλπη τα εαυτης τέκνα, 8 ουτως ομειρόμενοι υμων ευδοκουμεν μεταδουναι υμιν ου μόνον το ευαγγέλιον του θεου αλλα και τας εαυτων ψυχάς, διότι αγαπητοι ημιν εγενήθητε. 9 μνημονεύετε γάρ, αδελφοί, τον κόπον ημων και τον μόχθον. νυκτος και ημέρας εργαζόμενοι προς το μη επιβαρησαί τινα υμων εκηρύξαμεν εις υμας το ευαγγέλιον του θεου. 10 υμεις μάρτυρες και ο θεός, ως οσίως και δικαίως και αμέμπτως υμιν τοις πιστεύουσιν εγενήθημεν, 11 καθάπερ οιδατε ως ενα εκαστον υμων ως πατηρ τέκνα εαυτου 12 παρακαλουντες υμας και παραμυθούμενοι και μαρτυρόμενοι εις το περιπατειν υμας αξίως του θεου του καλουντος υμας εις την εαυτου βασιλείαν και δόξαν. 13 Και δια τουτο και ημεις ευχαριστουμεν τω θεω αδιαλείπτως, οτι παραλαβόντες λόγον ακοης παρ' ημων του θεου εδέξασθε ου λόγον ανθρώπων αλλα καθώς εστιν αληθως λόγον θεου, ος και ενεργειται εν υμιν τοις πιστεύουσιν. 14 υμεις γαρ μιμηται εγενήθητε, αδελφοί, των εκκλησιων του θεου των ουσων εν τη Ιουδαία εν Χριστω Ιησου, οτι τα αυτα επάθετε και υμεις υπο των ιδίων συμφυλετων καθως και αυτοι υπο των Ιουδαίων, 15 των και τον κύριον αποκτεινάντων Ιησουν και τους προφήτας, και ημας εκδιωξάντων, και θεω μη αρεσκόντων, και πασιν ανθρώποις εναντίων, 16 κωλυόντων ημας τοις εθνεσιν λαλησαι ινα σωθωσιν, εις το αναπληρωσαι αυτων τας αμαρτίας πάντοτε. εφθασεν δε επ' αυτους η οργη εις τέλος. 17 Ημεις δέ, αδελφοί, απορφανισθέντες αφ' υμων προς καιρον ωρας, προσώπω ου καρδία, περισσοτέρως εσπουδάσαμεν το πρόσωπον υμων ιδειν εν πολλη επιθυμία. 18 διότι ηθελήσαμεν ελθειν προς υμας, εγω μεν Παυλος και απαξ και δίς, και ενέκοψεν ημας ο Σατανας. 19 τίς γαρ ημων ελπις η χαρα η στέφανος καυχήσεως,ς η ουχι και υμεις,ς εμπροσθεν του κυρίου ημων Ιησου εν τη αυτου παρουσία; 20 υμεις γάρ εστε η δόξα ημων και η χαρά.
3:1 Διο μηκέτι στέγοντες ευδοκήσαμεν καταλειφθηναι εν Αθήναις μόνοι, 2 και επέμψαμεν Τιμόθεον, τον αδελφον ημων και συνεργον του θεου εν τω ευαγγελίω του Χριστου, εις το στηρίξαι υμας και παρακαλέσαι υπερ της πίστεως υμων 3 το μηδένα σαίνεσθαι εν ταις θλίψεσιν ταύταις. αυτοι γαρ οιδατε οτι εις τουτο κείμεθα. 4 και γαρ οτε προς υμας ημεν, προελέγομεν υμιν οτι μέλλομεν θλίβεσθαι, καθως και εγένετο και οιδατε. 5 δια τουτο καγω μηκέτι στέγων επεμψα εις το γνωναι την πίστιν υμων, μή πως επείρασεν υμας ο πειράζων και εις κενον γένηται ο κόπος ημων. 6 Αρτι δε ελθόντος Τιμοθέου προς ημας αφ' υμων και ευαγγελισαμένου ημιν την πίστιν και την αγάπην υμων, και οτι εχετε μνείαν ημων αγαθην πάντοτε, επιποθουντες ημας ιδειν καθάπερ και ημεις υμας, 7 δια τουτο παρεκλήθημεν, αδελφοί, εφ' υμιν επι πάση τη ανάγκη και θλίψει ημων δια της υμων πίστεως, 8 οτι νυν ζωμεν εαν υμεις στήκετε εν κυρίω. 9 τίνα γαρ ευχαριστίαν δυνάμεθα τω θεω ανταποδουναι περι υμων επι πάση τη χαρα η χαίρομεν δι' υμας εμπροσθεν του θεου ημων, 10 νυκτος και ημέρας υπερεκπερισσου δεόμενοι εις το ιδειν υμων το πρόσωπον και καταρτίσαι τα υστερήματα της πίστεως υμων; 11 Αυτος δε ο θεος και πατηρ ημων και ο κύριος ημων Ιησους κατευθύναι την οδον ημων προς υμας. 12 υμας δε ο κύριος πλεονάσαι και περισσεύσαι τη αγάπη εις αλλήλους και εις πάντας, καθάπερ και ημεις εις υμας, 13 εις το στηρίξαι υμων τας καρδίας αμέμπτους εν αγιωσύνη εμπροσθεν του θεου και πατρος ημων εν τη παρουσία του κυρίου ημων Ιησου μετα πάντων των αγίων αυτου. αμήν.
4:1 Λοιπον ουν, αδελφοί, ερωτωμεν υμας και παρακαλουμεν εν κυρίω Ιησου, ινα καθως παρελάβετε παρ' ημων το πως δει υμας περιπατειν και αρέσκειν θεω, καθως και περιπατειτε, ινα περισσεύητε μαλλον. 2 οιδατε γαρ τίνας παραγγελίας εδώκαμεν υμιν δια του κυρίου Ιησου. 3 τουτο γάρ εστιν θέλημα του θεου, ο αγιασμος υμων, απέχεσθαι υμας απο της πορνείας, 4 ειδέναι εκαστον υμων το εαυτου σκευος κτασθαι εν αγιασμω και τιμη, 5 μη εν πάθει επιθυμίας καθάπερ και τα εθνη τα μη ειδότα τον θεόν, 6 το μη υπερβαίνειν και πλεονεκτειν εν τω πράγματι τον αδελφον αυτου, διότι εκδικος κύριος περι πάντων τούτων, καθως και προείπαμεν υμιν και διεμαρτυράμεθα. 7 ου γαρ εκάλεσεν ημας ο θεος επι ακαθαρσία αλλ' εν αγιασμω. 8 τοιγαρουν ο αθετων ουκ ανθρωπον αθετει αλλα τον θεον τον και διδόντα το πνευμα αυτου το αγιον εις υμας. 9 Περι δε της φιλαδελφίας ου χρείαν εχετε γράφειν υμιν, αυτοι γαρ υμεις θεοδίδακτοί εστε εις το αγαπαν αλλήλους. 10 και γαρ ποιειτε αυτο εις πάντας τους αδελφους τους εν ολη τη Μακεδονία. παρακαλουμεν δε υμας, αδελφοί, περισσεύειν μαλλον, 11 και φιλοτιμεισθαι ησυχάζειν και πράσσειν τα ιδια και εργάζεσθαι ταις ιδίαις χερσιν υμων, καθως υμιν παρηγγείλαμεν, 12 ινα περιπατητε ευσχημόνως προς τους εξω και μηδενος χρείαν εχητε. 13 Ου θέλομεν δε υμας αγνοειν, αδελφοί, περι των κοιμωμένων, ινα μη λυπησθε καθως και οι λοιποι οι μη εχοντες ελπίδα. 14 ει γαρ πιστεύομεν οτι Ιησους απέθανεν και ανέστη, ουτως και ο θεος τους κοιμηθέντας δια του Ιησου αξει συν αυτω. 15 Τουτο γαρ υμιν λέγομεν εν λόγω κυρίου, οτι ημεις οι ζωντες οι περιλειπόμενοι εις την παρουσίαν του κυρίου ου μη φθάσωμεν τους κοιμηθέντας. 16 οτι αυτος ο κύριος εν κελεύσματι, εν φωνη αρχαγγέλου και εν σάλπιγγι θεου, καταβήσεται απ' ουρανου, και οι νεκροι εν Χριστω αναστήσονται πρωτον, 17 επειτα ημεις οι ζωντες οι περιλειπόμενοι αμα συν αυτοις αρπαγησόμεθα εν νεφέλαις εις απάντησιν του κυρίου εις αέρα. και ουτως πάντοτε συν κυρίω εσόμεθα. 18 Ωστε παρακαλειτε αλλήλους εν τοις λόγοις τούτοις.
5:1 Περι δε των χρόνων και των καιρων, αδελφοί, ου χρείαν εχετε υμιν γράφεσθαι, 2 αυτοι γαρ ακριβως οιδατε οτι ημέρα κυρίου ως κλέπτης εν νυκτι ουτως ερχεται. 3 οταν λέγωσιν, Ειρήνη και ασφάλεια, τότε αιφνίδιος αυτοις εφίσταται ολεθρος ωσπερ η ωδιν τη εν γαστρι εχούση, και ου μη εκφύγωσιν. 4 υμεις δέ, αδελφοί, ουκ εστε εν σκότει, ινα η ημέρα υμας ως κλέπτης καταλάβη, 5 πάντες γαρ υμεις υιοι φωτός εστε και υιοι ημέρας. ουκ εσμεν νυκτος ουδε σκότους. 6 αρα ουν μη καθεύδωμεν ως οι λοιποί, αλλα γρηγορωμεν και νήφωμεν. 7 οι γαρ καθεύδοντες νυκτος καθεύδουσιν, και οι μεθυσκόμενοι νυκτος μεθύουσιν. 8 ημεις δε ημέρας οντες νήφωμεν, ενδυσάμενοι θώρακα πίστεως και αγάπης και περικεφαλαίαν ελπίδα σωτηρίας. 9 οτι ουκ εθετο ημας ο θεος εις οργην αλλα εις περιποίησιν σωτηρίας δια του κυρίου ημων Ιησου Χριστου, 10 του αποθανόντος υπερ ημων ινα ειτε γρηγορωμεν ειτε καθεύδωμεν αμα συν αυτω ζήσωμεν. 11 Διο παρακαλειτε αλλήλους και οικοδομειτε εις τον ενα, καθως και ποιειτε. 12 Ερωτωμεν δε υμας, αδελφοί, ειδέναι τους κοπιωντας εν υμιν και προϊσταμένους υμων εν κυρίω και νουθετουντας υμας, 13 και ηγεισθαι αυτους υπερεκπερισσου εν αγάπη δια το εργον αυτων. ειρηνεύετε εν εαυτοις. 14 παρακαλουμεν δε υμας, αδελφοί, νουθετειτε τους ατάκτους, παραμυθεισθε τους ολιγοψύχους, αντέχεσθε των ασθενων, μακροθυμειτε προς πάντας. 15 ορατε μή τις κακον αντι κακου τινι αποδω, αλλα πάντοτε το αγαθον διώκετε και εις αλλήλους και εις πάντας. 16 Πάντοτε χαίρετε, 17 αδιαλείπτως προσεύχεσθε, 18 εν παντι ευχαριστειτε. τουτο γαρ θέλημα θεου εν Χριστω Ιησου εις υμας. 19 το πνευμα μη σβέννυτε, 20 προφητείας μη εξουθενειτε. 21 πάντα δε δοκιμάζετε, το καλον κατέχετε, 22 απο παντος ειδους πονηρου απέχεσθε. 23 Αυτος δε ο θεος της ειρήνης αγιάσαι υμας ολοτελεις, και ολόκληρον υμων το πνευμα και η ψυχη και το σωμα αμέμπτως εν τη παρουσία του κυρίου ημων Ιησου Χριστου τηρηθείη. 24 πιστος ο καλων υμας, ος και ποιήσει. 25 Αδελφοί, προσεύχεσθε και περι ημων. 26 Ασπάσασθε τους αδελφους πάντας εν φιλήματι αγίω. 27 Ενορκίζω υμας τον κύριον αναγνωσθηναι την επιστολην πασιν τοις αδελφοις. 28 Η χάρις του κυρίου ημων Ιησου Χριστου μεθ' υμων.
ΑΝ ΘΕΛΕΤΕ ΜΙΑ ΚΑΙΝΗ ΔΙΑΘΗΚΗ ΔΩΡΕΑΝ ΣΤΕΙΛΤΕ E-mail: grbiblos@hotlmail.com
(Επώνυμο, Όνομα, Διεύθυνση, Πόλη, Τ.Κ., Τηλέφωνο) ΚΑΙ ΘΑ ΣΟΥ ΣΤΕΙΛΟΥΜΕ ΜΙΑ ΔΩΡΕΑΝ.
